Nəsiman Yaqublunun qəzaya düşdüyü maşın... - Foto - YENİLƏNİB
Xəbər verdiyimiz kimi, tarixçi-professor, deputatlığa namizəd Nəsiman Yaqublu Zəngilandan seçicilərlə görüşdən qayıdarkən Cəbrayıl rayonu ərazisində qəzaya düşüb. Ağır vəziyyətdə xəstəxanaya çatdırılan 62 yaşlı Nəsiman Yaqublunun həyatını xilas etmək mümkün olmayıb.
"Ölkə.az" “Qafqazinfo”ya istinadla onun qəzaya düşdüyü “Nissan” markalı avtomobilin fotosunu təqdim edir:
***
Bu gün saat 19 radələrində Cəbrayıl rayonu ərazisində sürücü Nəsiman Yaqublu "Nissan" markalı avtomibillə hərəkətdə olan zaman idarəetməni itirərək maşını yol kənarına aşırıb.
DİN-in Mətbuat Xidmətinin Bərdə regional qrupundan "Ölkə.az"a bildirilib ki, N.Yaqublu müxtəlif dərəcəli bədən xəsarətləri alaraq xəstəxanaya çatdırılıb.
Tibbi müdaxilələrə baxmayaraq onun həyatını xilas etmək mümkün olmayıb. Faktla bağlı araşdırma aparılır.
Qeyd edək ki, Bakı Dövlət Universitetində müəllim işləyən Nəsiman Yaqublu tarixçi-professordur.
