Azyaşlının döyülməsi ilə bağlı tibbi ekspertiza təyin edilib - YENİLƏNİB
Xaçmaz rayonunun Xudat şəhərində azyaşlının anası tərəfindən döyülərək xəstəxanaya yerləşdirilməsi ilə bağlı polisə məlumat daxil olub.
DİN Mətbuat Xidmətinin Quba regional qrupundan Ölkə.az-a bildirilib ki, tibbi ekspertiza təyin edilib.
Hazırda faktla bağlı araşdırma aparılır.
***
Xaçmaz rayonunun Xudat şəhərində azyaşlı, anası tərəfindən döyülüb.
APA-nın Şimal bürosu xəbər verir ki, hadisə M. Əbilov küçəsində baş verib. Qusar rayon sakini Səyyarə Qayıbova kirayə yaşadıqları mənzildə qızı 7 yaşlı Qayıbova Zəhra Camal qızına xəsarətlər yetirib.
Azyaşlı Xaçmaz rayon Mərkəzi Xəstəxanasına yerləşdirilib, vəziyyəti kafi qiymətləndirilir.
İlkin məlumata görə, anası qızını dərslərinə hazırlaşmadığı üçün cəzalandırıb.
Faktla bağlı hüquq-mühafizə orqanları tərəfindən araşdırma aparılır.
