Tanınmış azərbaycanlı Moskvada saxlanıldı - VİDEO

Keçmiş vəkil Elman Paşayev dələduzluq işi üzrə Moskvada saxlanılıb. O, blogerlər Aleksey və Yelena Blinovskiləri pul müqabilində vergidən yayınma ittihamı ilə cinayət məsuliyyətindən azad edəcəyinə söz verib. 

Ölkə.Az xəbər verir ki, bu barədə Rusiya İstintaq Komitəsinin rəsmi nümayəndəsi Svetlana Petrenko məlumat verib. 

“İstintaq Komitəsinin hərbi istintaq orqanları keçmiş vəkilə qarşı Rusiya Federasiyası Cinayət Məcəlləsinin 159-cu maddəsinin 4-cü hissəsi (xüsusilə külli miqdarda dələduzluq) ilə cinayət işi açıb", - o qeyd edib.

Hüquqşünas Moskvada saxlanılıb.

İstintaq müəyyən edib ki, 2024-cü ilin fevralında o, Moskvada Aleksey Blinovski ilə şəxsi görüşü zamanı onu böyük pul mükafatı müqabilində Blinovskini və arvadı Yelenanı əvvəllər açılmış vergidən yayınma işi üzrə cinayət məsuliyyətindən azad edə biləcəyinə inandırıb və Blinovskidən pul alıb.

Onun barəsində həbs qətimkan tədbiri seçilib. Elman Paşayev bir nəfərin ölümü ilə nəticələnən bədbəxt hadisədə təqsirli bilinən Mixail Yefremovun vəkili kimi şöhrət qazanıb.

Hüquqşünası qaldırılan cinayət işi ilə 1 milyon rubla qədər cərimə və ya 10 ilədək müddətə azadlıqdan məhrum etmə cəzası gözləyir.

Mürtəza
Ölkə.Az