Bakıda xəstəxana yaxınlığında GÜCLÜ YANĞIN SÖNDÜRÜLDÜ - VİDEO - YENİLƏNİB
Fövqəladə Hallar Nazirliyinin “112” qaynar telefon xəttinə paytaxtın Xətai rayonu, Ramiz Qəmbərov küçəsində avtomobil təmiri sexinin ərazisində təkər tullantıları yığılmış yerdə yanğın baş verməsi barədə məlumat daxil olub və dərhal Nazirliyin Dövlət Yanğından Mühafizə Xidmətinin qüvvələri çağırış üzrə cəlb olunub.
"Ölkə.az" xəbər verir ki, əməliyyat şəraitinə uyğun olaraq həyata keçirilmiş zəruri və təxirəsalınmaz tədbirlər sayəsində yanğın genişlənməsinə, o cümlədən yaxınlıqdakı tikililərə keçməsinə imkan verilmədən qısa müddətdə söndürülüb.
Yaxınlıqdakı tikililər yanğından mühafizə olunub.
***
Bakıda güclü yanğın başlayıb.
"Ölkə.az" xəbər verir ki, yanğın Xətai rayonunun Ramiz Qəmbərov küçəsində təkər tullantıları toplanmış qarajda qeydə alınıb.
Əraziyə dərhal Fövqəladə Hallar Nazirliyinin (FHN) yanğınsöndürənləri cəlb olunub. Hazırda yanğının söndürülməsi işləri davam edir.
Qeyd edək ki, yanğının qeydə alındığı qarajın yaxınlığında Respublika Neyrocərrahiyyə Xəstəxanası, yanacaqdoldurma məntəqəsi və yaşayış binası var.(oxu.az)
Həmin görüntüləri təqdim edirik:
