Sabirabadda ana doğuşdan sonra ölüb - RƏSMİ AÇIQLAMA - YENİLƏNİB

2000-ci il təvəllüdlü qadın dünən saat 07:00 radələrində Sabirabad Rayon Mərkəzi Xəstəxanasının nəzdində olan Sabirabad Regional Perinatal Mərkəzin Doğum şöbəsinə hospital izasiya olunub.

TƏBİB-dən "Ölkə.az"a bildirilib ki, ona 40-41 həftəlik hamiləlik diaqnozu təyin edilib.

Baş tutan doğuş nəticəsində çəkisi 4 kq., boyu 52 sm. olan körpə dünyaya gəlib. Daha sonra vəziyyəti ağır olan ananın müayinələri və müalicəsi davam etdirilib. Sonra reanimasiya şöbəsinə yerləşdirilib. Süni tənəffüs aparatı ilə ağciyərlərin ventilyasiyası davam etdirilib.

Daha sonra pasiyent üzərində relo porotamiya əməliyyatı icra olunub. Bakı şəhərindən dəvət olunan həkim-reanimatoloqların, eləcə də ginekoloqların konsiliumu baş tutub və ona uyğun müalicəyə başlanılıb.

Xəstəyə göstərilən terapiya tədbirlərinə baxmayaraq, 27.10.2024-cü il tarixində saat 05:30 radələrində bioloji ölüm qeydə alınıb.

Ölümün dəqiq səbəbini patoloji-anatomik təşrih nəticəsində dəqiqləşdirmək mümkün olacaq.

Eyni zamanda qeyd edək ki, hamiləliyi dövründə ana həkimə müraciət etməyib.

***

Sabirabadda ana doğuşdan sonra ölüb.

"Ölkə.az" APA-ya istinadla xəbər verir ki, Sabirabad doğum evində Qalağayın kənd sakini, 2000-ci il təvəllüdlü Zamanova Zəhra Qara qızı uşaq dünyaya gətirdikdən sonra ölüb, körpə sağ qalıb.

Meyit müayinə olunmaq üçün Sabirabad morquna yerləşdirilib.

Faktla bağlı araşdırma aparılır.