Abşeronda yol qəzası olub, xəsarət alan var
Abşeronda ağır xəsarətlə nəticələnən yol-nəqliyyat hadisəsi baş verib.
"Ölkə.az" "Report"a istinadla xəbər verir ki, Hökməli qəsəbəsində iki avtomobilin toqquşması nəticəsində 1983-cü il təvəllüdlü Carçıyev Zahir Məzahir oğlu xəsarət alıb.
Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona açıq kəllə-beyin travması və baş-beyinin əziyi diaqnozları qoyulub.
Hadisənin təfərrüatı araşdırılır.
