Şəmkirdə evdə partlayış olub, xəsarət alanlar var
Şəmkir rayonunda evdə baş vermiş partlayış nəticəsində ana və 19 yaşlı qızı xəsarət alıb.
Ölkə.az-ın "Report"a istinadən məlumatına görə, hadisə rayonun Aşağı Seyfəli kəndində qeydə alınıb.
Hadisə nəticəsində ev sahibi 1985-ci il təvəllüdlü Şəhla Əzizova və onun qızı, 2005-ci il təvəllüdlü A.Əzizova xəsarət alıb.
Yaralılar xəstəxanaya aparılıb, qadının vəziyyəti orta-ağır qiymətləndirilir, qızı isə yüngül bədən xəsarətləri alıb.
Əraziyə hüquq mühafizə orqanlarının və Fövqəladə Hallar Nazirliyinin əməkdaşları cəlb olunub.
Faktla bağlı araşdırma aparılır.
