Bakının mərkəzində eyni yerdə ikinci oxşar hadisə - Video

Bakının Səbail rayonu Süleyman Tağızadə küçəsində bədbəxt hadisə baş verib.

Ölkə.az Modern.az-a istinadla xəbər verir ki, görüntülər sosial şəbəkədə yayılıb.

İlkin məlumata görə, yaşayış binasında təmir işləri üçün quraşdırılmış yük avadanlığının bir hissəsi aşaraq yerə düşüb.

Xoşbəxtikdən həmin vaxt binanın yaxınlığından keçən olmayıb. Amma hadisə nəticəsində aşağıda olan "Toyota Corolla" markalı avtomobilə ziyan dəyib.

Oxu.Az-ın əldə etdiyi məlumata görə, sözügedən hadisə 15-20 gün əvvəl də təkrarlanıb.

Hadisə şahidləri bildiriblər ki, xoşbəxtlikdən həmin vaxt heç kim xəsarət almayıb.

Onlar həmçinin qeyd ediblər ki, binada təmir işləri gedir, lakin təmir getməsi ilə bağlı ərazidə heç bir təhlükəsizlik tədbirləri görülməyib.