TƏBİB Qazaxda qadının dərmandan zəhərlənməsinə münasibət bildirdi - YENİLƏNİB
Qazaxda qadının dərmandan zəhərlənməsinə TƏBIB-dən açıqlama verilib.
Ölkə.az xəbər verir ki, TƏBIB-dən APA-nın sorğusuna cavab olaraq bildirilib ki, 12.01.2025-ci il tarixində saat 16:30 radələrində 2000-cil təvvəlüdlü şəxsin (qadın cinsli) gəmiricilər əleyhinə kimyəvi dərman zəhərlənməsi şübhəsilə Qazax Rayon Mərkəzi Xəstəxanasının Təcili və təxirəsalınmaz tibbi yardım şöbəsinə çağırış daxil olub.
Dərhal çağırış ünvanına briqada cəlb olunub.
Lakin Qazax Rayon Mərkəzi Xəstəxanasının Təcili və təxirəsalınmaz tibbi yardım şöbəsinə hospitalizasiya olunarkən şəxsin ölüm faktı qeydə alınıb.
***
Qazaxda gənc qadın dərmandan zəhərlənərək ölüb.
APA-nın yerli bürosunun məlumatına görə, hadisə rayonun Daş Salahlı kəndində qeydə alınıb.
Belə ki 25 yaşlı A.Əliyeva siçan dərmanından zəhərlənib. Gənc qadın xəstəxanaya aparılsa da onu xilas etmək mümkün olmayıb.
A.Əliyevanın necə zəhərlənməsi hələlik məlum deyil. Hadisə yerinə adiyyatı qurumların əməkdaşları cəlb olunub.
Faktla bağlı araşdırma aparılır.
