Ağstafada yol qəzası
Ağstafada iki nəfərin xəsarət alması ilə nəticələnən yol-nəqliyyat qəzası baş verib.
Hadisə Bakı-Qazax magistral yolunun Ağstafa şəhəri ərazisindən keçən hissəsində qeydə alınıb. “Mercedes” markalı minik avtomobili ilə “KAMaz” markalı yük maşınının toqquşması nəticəsində “Mercedes”də olan iki nəfər, Ağstafa rayon sakinləri, 1989-cu il təvəllüdlü Əvəz Alıməmmədov və 1988-ci il təvəllüdlü Orxan Yusibov müxtəlif bədən xəsarətləri alaraq Ağstafa Mərkəzi rayon xəstəxanasına yerləşdirilib. Onlara tibbi yardım göstərilib, vəziyyətlərinin normal olduğu bildirilir.
Faktla bağlı Baş Dövlət Yol Polisi İdarəsində araşdırma aparılır. (APA)
Ölkə.Az
