Kürdəmirdə zəhərlənən şəxslərin sayı artıb

Bu barədə "Ölkə.az"a TƏBİB-dən məlumat verilib.

Bildirilib ki, zəhərlənən şəxslərdən 6-sı uşaq olmaqla, 14-ü qadın, 10 nəfəri isə kişilərdir.

Hazırda bütün xəstələr ambulator müalicə üçün evə buraxılıb.

Daha əvvəl Azərbaycan Qida Təhlükəsizliyi Agentliyindən (AQTA) "Report"a bildirilib ki, "Naftalan" ailəvi restoranda baş verən hadisənin səbəblərinin müəyyənləşdirilməsi məqsədilə AQTA əməkdaşları tərəfindən aidiyyəti qurumlarla birgə araşdırmalara başlanılıb.

İstirahət mərkəzinin fəaliyyəti məhdudlaşdırılıb.

***

Kürdəmir rayonunda növbəti zəhərlənmə hadisəsi qeydə alınıb.

"Ölkə.az" “Report"a istinadən xəbər verir ki, hadisə rayon ərazisində yerləşən “Naftalan” istirahət mərkəzində qeydə alınıb.

Belə ki, rayonun Çərtəyəz kənd sakinləri istirahət mərkəzində qida qəbul etdikdən sonra evə yollanıblar.

Bu zaman evdə halı pisləşən biri uşaq olmaqla 5 nəfər - Ülviyyə Hətəm qızı Məhərrəmova (1986), Güllü Xəyyam qızı Məhərrəmova (2008), Aydın Xəyyam oğlu Məhərrəmli (2009), Sənan Cavanşir oğlu Məhərrəmov və Zöhrə Mədət qızı Məhərrəmova (1993) dərhal Kürdəmir rayon Mərkəzi xəstəxanasına çatdırıb.

Hazırda onların vəziyyəti orta ağır qiymətləndirilir.