Azərbaycana casusluqda ittiham edilən erməni konsulun FOTOSU - YENİLƏNİB
Erməni mətbuatının iddiasına görə, Aleksanyan azərbaycanlı şəxslə “sevgili” olub.
Ölkə.az “Qafqazinfo”ya istinadən xəbər verir ki, artıq Aleksanyana aid olduğu bildirilən fotolar sosial şəbəkələrdə yayılıb.
Qeyd edək ki, Aşxen Aleksanyan bir neçə ay əvvəl saxlanılıb. Lakin onun həbsi qalmaqala səbəb ola biləcəyi səbəbindən gizli saxlanılıb.
***
Ermənistanın Avstriyadakı konsulu Aşxen Aleksanyan Ermənistana qayıtdıqdan sonra "Zvarnots" hava limanında saxlanılıb.
Ölkə.az APA-ya istinadən xəbər verir ki, bu barədə “Hraparak” nəşri məlumat yayıb.
Nəşr xanım konsulun Azərbaycanın xeyrinə casusluqda şübhəli bilinərək saxlanıldığını yazır.
Onun üzərində bir neçə sənəd aşkarlanıb, bundan sonra Ermənistan Milli Təhlükəsizlik Xidməti Xarici İşlər Nazirliyinin binasında axtarış aparıb, kompüterlər, sənədlər yoxlanılıb.
Hadisənin bir neçə ay əvvəl baş verdiyi, lakin böyük qalmaqala səbəb ola bilər deyə, konsulun həbsinin gizli saxlanmasına qərar verildiyi bildirilir.
