Dərnəgüldə marketi qarət edən ofisiantların məhkəməsi başladı

Bakı Ağır Cinayətlər Məhkəməsində Bakı ş. sakinləri Zahid İsmayılov (1997-ci il təv.) və Elnur Əsədlinin (1997-ci il təv.) CM-nin 181.2.1-ci (quldurluq, qabaqcadan əlbir olan bir qrup şəxs tərəfindən törədildikdə) və 181.2.5-ci (quldurluq, silah və ya silah qismində istifadə edilən əşyalar tətbiq edilməklə törədildikdə) maddələri ilə təqsirləndirilməsinə dair cinayət işi üzrə hazırlıq iclası keçirilib. 

Ötən il martın 30-da Binəqədi RPİ 5-ci polis bölməsinin əməkdaşları əməliyyat-axtarış tədbirləri nəticəsində yanvarın 12-də Dərnəgül qəsəbəsində, vətəndaş Murad Əliyevə quldurluq yolu ilə bıçaqla xəsarət yetirib, satıcı işlədiyi marketdən 130 manat pul ələ keçirən Zahid İsmayılov və Elnur Əsədlini yaxalayıblar.

İstintaqın gedişatında, onların bir neçə ay Qazax rayonunda gizləndikləri məlum olub.

Təqsirləndirilən şəxslər orta məktəbdə sinif yoldaşları olublar və birlikdə restoranda ofisiant işləyiblər. 

Hazırlıq iclasında hakim tərkibi elan edilib və təqsirləndirilən şəxslərin anket məlumatları dəqiqləşdirilib.

Hazırlıq iclasının davamı yanvarın 8-nə təxirə salınıb.

Ölkə.Az