Deputatın evini qarət etmək istədilər?

Milli Məclisin deputatı Elşən Musayev sosial şəbəkədə bu gün başına gələn hadisədən yazıb.

"Bayaq qapı döyüldü. Soruşdum kimdi? - Bir xanım səsi gəldi ki...su idarəsindənəm. Açdım. Deyirəm, buyurun. Qayıda ki, biz su idarəsindən yox, su firmasındanıq. Olar içəri keçim? Evdə xanım var? Dedim olmaz, təkəm evdə. Əli ilə zorla qapını açıb içəri keçməyə çalışdı. Yenə dedim olmaz, narahat edirsiz məni. Adam dirəşib ki, yox e....dinləyin məni, bizim firma gözəl tərkibli su satır-filan. Əlqərəz, bu xanımı zorla qapıdan uzaqlaşdırdım.

Sonra həyətin mühafizəçisindən soruşuram ki, belə adamları binaya niyə buraxırsız? Deyir, gizlincə keçirlər, bütün bina bayaqdan şikayət edir. Üzrlü hesab edin.

Bayaq isə mətbuatdan gül sifarişi, su firması adı ilə evlərə soxulan cinayətkar qrupun aşkarlanması haqda məlumat oxudum..

Odur ki, əziz dostlarım!

Lütfən diqqətli olun. Hardan gəlirlərsə gəlsinlər, fərq etməz - tanımadığınız kimsəyə qapı açmayın. Bəzən sadəcə bir səhv addım insanın həyatı bahasına başa gələ bilər..."

Ölkə.Az