“Neftçi” oyununda qalib bilinmədi
Bu gün AFFA və Peşəkar Futbol Liqasının birgə təşkilatçılığı ilə ilk dəfə keçirilən "CBC Sport kuboku" turnirində növbəti matç oynanılıb.
Ölkə.Az xəbər verir ki, dördüncü yarış günündə "Bayıl Arena"da "Neftçi" və "Neftçala" komandaları qarşılaşıb.
Qarşılaşmanın əvvəlində "Neftçi" azlıqda qalıb. Buna baxmayaraq, ikinci hissənin ortalarında Bakı təmsilçisinin futbolçusu Araz Abdullayev hesabı açıb. Bundan bir qədər sonra "Neftçi"nin daha bir futbolçusu meydandan qovulub. Say üstünlüyündən yararlanan birinci divizion klubunun futbolçusu Fərmayil Əliyev son saniyələrdə hesabı bərabərləşdirməyə nail olub. Beləliklə, "Neftçi"-"Neftçala" oyunu 1:1 hesablı heç-heçə ilə başa çatıb.
"Neftçi" komandası 4 xalla turnir cədvəlinə liderlik edir. AZAL 3 xalla ikinci, "Neftçala" isə 2 xalla üçüncü pillədə qərarlaşıb.
Ölkə.Az
