Azərbaycanda ailə FACİƏSİ: Ata və azyaşlı oğlu öldü, 4 övladı xəstəxanalıq oldu - YENİLƏNİB
"Ölkə.az" "Report"a istinadla xəbər verir ki, həkimlərin səylərinə baxmayaraq, 2017-ci il təvəllüdlü Məhəmməd Məsimov xəstəxanada dünyasını dəyişib.
Digər azyaşlıların müalicəsi davam etdirilir. Onların vəziyyəti ilə bağlı əlavə məlumat veriləcəyi bildirilib.
***
Naxçıvanda bir ailənin 6 üzvü dəm qazından zəhərlənib.
Ölkə.az qafqazinfo-ya istinadən xəbər verir ki, hadisə şəhərin Xətai məhəlləsi, ev 12 ünvanında qeydə alınıb.
Belə ki, Ordubad rayonu Aşağı Əylis kənd sakini 1994-cü il təvəllüdlü Məsimov Oruc Məhərrəm oğlu dəm qazından boğularaq həyatını itirib.
Onun övladları - 2020-ci il təvəllüdlü Fatimə Məsimova, 2018-ci il təvəllüdlü Hüseyn Məsimov, 2017-ci il təvəllüdlü Məhəmməd Məsimov, 2021-ci il təvəllüdlü Əli Məsimov və 2022-ci il təvəllüdlü Həsən Məsimov dəm qazından zəhərləniblər.
Onlar Naxçıvan Yoluxucu Xəstəliklər Mərkəzinə yerləşdiriliblər.
Hadisə yerinə hüquq-mühafizə orqanlarının əməkdaşları cəlb olunub.
Faktla bağlı araşdırma aparılır.
