Bakı-Qazax yolunda iki yük maşını toqquşdu
Ucarda xəsarətlə nəticələnən yol-nəqliyyat hadisəsi baş verib.
Hadisə bu gün axşam saatlarında Bakı-Qazax əsas magistral yolunun Ucar rayonunun "dörd yol" adlanan hissəsində qeydə alınıb.
Ucar rayon sakini, 1974-ci il təvəllüdlü Çingiz Nizami oğlu Hacıyevin idarə etdiyi "Man" markalı yük maşını ilə Göyçay rayon sakini Şahin İsrafil oğlu Quluyevin idarə etdiyi "Şaqman" markalı yük maşını toqquşub. Nəticədə, "Man"ın sürücüsü Ç.Hacıyev aldığı xəsarətlərlə Ucar Mərkəzi Rayon Xəstəxanasına yerləşdirilib.
Hadisənin başvermə səbəbi Baş Dövlət Yol Polisinin İstintaq və Təhqiqat Şöbəsində araşdırılır. (APA)
