Bakıda avtobuslar daşa basıldı
İçərisi sərnişin dolu avtobusun şüşələri daş qalaq edilib
Ölkə.Az-ın məlumatına görə, bu barədə "BakuBus"ın mətbuat xidmətinin rəhbəri Nuridə Allahyarova özünün facebook səhifəsində yazıb:
“İndiyə qədər heç birində zərərçəkən olmamışdı. Hüquq-mühafizə orqanları məsələ ilə bağlı araşdırma aparır. Ərazidə olan kamera görüntüləri götürülüb. Həmin şəxslər indiyə qədər saxlanmayıb”.
"İçərisi sərnişin dolu avtobusun şüşələrini daş qalaq etməklə, sərnişinlərə bədən xəsarəti yetirmək məqsədi güdənlərin hansı məzhəbə qulluq etdiyini düşünmək belə ağrılıdır. İslah olunmaq üçün cəzanı həbsxana barmaqlıqları arxasında keçirməmək üçün davranışlarınıza ölçü qoyun. “BakuBus” olaraq xəbərdarlıq etməyi borc bilirik ki, sərnişin təhlükəsizliyi bizim üçün prioritet olduğundan avtobuslarımızda törədilən hər qanuna zidd hərəkətə, şiddətə görə birbaşa məsuliyyət daşıyan şəxslər törətdikləri əmələ görə qanun qarşısında cavab verəcəklər".
“BakuBus”ın sözcüsü bildirir ki, mütəmadi olaraq həmin ərazidə avtobuslar dəfələrlə daşlanılıb.
O bildirib ki, yanvarın 23-də "BakuBus"a məxsus 3 ədəd 14 saylı avtobus içərisində sərnişinlərlə birlikdə 17:00-17:20 radələrində Süleyman Rüstəm küçəsi ilə Dilarə Əliyeva küçəsinin kəsişməsində daşa basılıb.
Hadisə zamanı avtobusların birində yaşlı qadın yaralanıb. Avtobusun şüşə qırıntıları onun gözünə girib. Yaşlı qadın hal-hazırda ev şəraitində müalicə edilir.
