Bakıda məşhurun qohumunu həbsxanada döyüb öldürdülər

Azərbaycanda dustaq cəzaçəkmə müəssisəsində döyülərək öldürülüb.

Bu barədə Ölkə.az-a mərhum dustaq İbrahimov Nurani Fuad oğlunun qardaşı Ramin İbrahimov məlumat verib. R.İbrahimov bildirib ki, qardaşı yeddi il azadlıqdan məhrumetmə cəzası alıb və bunun dörd il dörd ayını çəkib. Bu vaxta kimi Binədəki iki saylı cəzaçəkmə müəssisəsində cəzasını çəkən Nurani İbrahimov üç gün öncə Dərnəgüldə yerləşən altı saylı müəssisəyə etap edilib:

"Üç gün idi Dərnəgülə gətirilmişdi. Srağagün orada qardaşımı döyərək öldürüblər. Dünən xəbər tutmuşuq. Bizdən xəbərsiz yarıblar. Morqda baxdıq, Bədəni gömgöy idi, başı partlayıb. Əlimizdə görüntülər var".

Qeyd edək ki, N.İbrahimov Azərbaycanın tanınmış simalarından birinin yaxın qohumudur.

Mövzunu diqqətdə saxlayacağıq.

İntiqam VALEHOĞLU
Ölkə.az