Bakıda maşının içərisindən 10 min manat oğurlandı
Bakıda avtomobildən içərisində 10 min manat pul olan çanta oğurlanıb.
Ölkə.Az “Report”-a istinadən xəbər verir ki, hadısə Bakıxanov qəsəbəsi, Sülh küçəsi 13-ün qarşısında qeydə alınıb.
Orada yaşayan 48 yaşlı Vüqar Əsədov hüquq-mühafizə orqanlarına müraciət edərək bildirib ki, ona məxsus KİA markalı avtomobildən şüşəsini sındırmaqla içərisində 10 min manat olan idman çantası oğurlanıb.
Faktla bağlı Sabunçu Rayon Polis İdarəsində 177.3.2 (oğurluq, külli miqdarda ziyan vurmaqla törədildikdə) və 186 (əmlakı qəsdən məhv etmə və ya zədələmə) maddələri üzrə cinayət işi başlanılıb.
