Borcunu almağa gələn şəxs güllənin qurbanı oldu

Yevlax şəhər Xaldan qəsəbəsində qanlı olay baş verib

Pulunu istəməyə gələn sələmçini ona borclu olan şəxs tüfəngdən atəş açaraq qətlə yetirib.

Ölkə.Az-a Yevlax şəhər Xaldan qəsəbəsindən daxil olan məlumata görə, Musa adlı şəxs Xaldan qəsəbəsində qəssab işləyir. O, Adil adlı şəxsdən sələmə böyük miqdarda borc pul götürüb. Musa adlı şəxs pulunu istəyəndə isə Adil adlı şəxs bildirib ki, onun işlədiyi yerə gəlməsin, pulu düzəltdikdən sonra özü onu çağıracaq.

Əldə ediyimiz məlumata görə, dünən Musa ilə Adil arasında mübahisə yaranıb. Bu gün isə Adil pulunu almaq üçün Musanın qəssabxanasına gəlib. Bu zaman iki şəxs arasında mübahisə düşüb, mübahisə zamanı Musa borca pul götürdüyü Adili boğazından tüfəngdən açdığı atəşlə vurub. Nəticədə Adil adlı şəxs hadisə yerindəcə ölüb.

Faktı dəqiqləşdirib, daha ətraflı məlumat verəcəyik.

Səxavət Məmməd
Ölkə.Az