Salyanda canavarlar kəndə hücum edib
Salyanda kəndə canavar hücumu olub.
Ölkə.Az-ın məlumatına görə, report Salyan Rayon Baytarlıq İdarəsinə istinadən xəbər verir ki, hadisə axşam saatlarında rayonun Parça Xələc kəndində qeydə alınıb.
Canavarlar kənd sakini Saleh Əmrah oğlu Eyvazova məxsus 3 baş xırdabuynuzlu heyvanı parçalayıblar. Təsərrüfat sahibinin vaxtında müdaxiləsi yırtıcıların qaçması və daha çox tələfatın olmasının qarşısını alıb.
Hadisə yerinə gələn baytar həkimlər ölmüş heyvanlardan nümunələr götürüb, sonra heyvanlar torpağa basdırılaraq ərazidə dezinfeksiya işləri aparılıb.
