Bakıda kolleksionerin evini soyanlar tutuldular
Bakıda kolleksionerin evindən çoxlu qədimi pul oğurlanıb.
Ölkə.Az Qafqazinfo.az saytına istinadən xəbər verir ki, hadisə Nizami rayonunda baş verib.
N.Abdullayev küçəsində yaşayan Ruslan İbadovun evindən 3 ədəd notbuk, 3 ədəd mobil telefon, qol saatı, qızıl üzük, faks aparatı və tədavüldən çıxarılmış əskinaslar oğurlanıb. Əskinaslar müxtəlif ölkələrə məxsus köhnə pul vahidləri olub.
Oğrular evə pəncərəni sındıraraq daxil olublar.
Keçirilən əməliyyat tədbirləri nəticəsində hadisəni törətməkdə şübhəli bilinənlər - 1995-ci il təvəllüdlü Pərviz Həsənov və Süleyman Axundov saxlanılıb.
P.Həsənovun ifadəsi alındıqdan sonra sərbəst buraxılıb. S.Axundov isə həbs olunub.
Süleyman Axundovun başqa bir dostu Elçin Məmmədovla birlikdə Bakı sakini Vasif Eminovun evindən qızıl əşyalar oğurladığı müəyyən olunub.
