Xaçmazda 35 yaşlı qadın dəm qazının qurbanı oldu

Xaçmaz rayonunda dəm qazından zəhərlənmə faktı qeydə alınıb.

Ölkə.Az-ın APA-ya istinadən verdiyi məlumata görə, Sumqayıt şəhər sakini 1981-ci il təvəllüdlü Əzizova Sevinc Kamil qızı dəm qazından zəhərlənərək ölüb.

S. Əzizovanın meyiti tibbi ekspertizadan keçirilmək üçün Xaçmaz Mərkəzi Rayon Xəstəxanasının morquna gətirilib. Ekspertizadan sonra cəsəd ailə üzvlərinə təhvil verilib.

Faktla bağlı araşdırmalar davam edir.