Naməlum şəraitdə xəsarət alıb xəstəxanalıq oldu
Gəncədə 40 yaşlı kişi naməlum şəraitdə xəsarət alaraq xəstəxanalıq olub.
Ölkə.Az Kəpəz TV-yə istinadən xəbər verir ki, bu gün axşam saatlarında Gəncə şəhər sakini 40 yaşlı Mahir Əliyev yaralı halda Gəncə Şəhər Təcili Tibbi Yardım Xəstəxanasına gətirilib. Kəpəz TV (Region TV) xəbər verir ki, qapalı kəllə-beyin travması və sol qulağın əzilməsi diaqnozu qoyulan şəxs tibb müəssisəsinin travmatologiya şöbəsinə yerləşdirilib.
Həkimlərin müdaxiləsi nəticəsində 40 yaşlı kişinin həyatı təhlükəsi aradan qaldırılıb. Onun hansı şəraitdə xəsarət aldığı araşdırılır.
