Masallıda meyvə-tərəvəz istixanasının anbarında yanğın başlayıb
Masallı rayonu, Digah kəndində meyvə-tərəvəz istixanasının anbarında yanğın hadisəsi baş verib.
Ölkə.Az-ın Fövqəladə Hallar Nazirliyin saytına istinadən verdiyi məlumata görə, dərhal nazirliyin Dövlət Yanğından Mühafizə Xidmətinin avtomobilləri və canlı qüvvəsi hadisə yerinə cəlb edilib. Hal-hazırda yanğının söndürülməsi istiqamətində işlər davam etdirilir.
***
Həyata keçirilən tədbirlər nəticəsində yanğın söndürülüb. Ümumi sahəsi 1600 kv/m olan anbarın 1450 kv/m sahəsi yanaraq yararsız hala düşüb. Hazırda yanğının baş vermə səbəbləri araşdırılır.
