Şəmkirdə partlayış
Şəmkir rayonunda partlayış baş verib.
Ölkə.Az Fövqəladə Hallar Nazirliyinin saytına istinadən xəbər verir ki, Şəmkir rayonu, Yeni Həyat kəndində (rayon mərkəzindən 8 km aralı) vətəndaşa məxsus ümumi sahəsi 300 kv.m olan taxta yeşiklərin emalı sexinin ərazisində sahəsi 50 kv.m olan gözətçi otağında yanğınla nəticələnən partlayış baş verib.
Partlayış zamanı otağın qapı-pəncərə çərçivələri, lambirindən ibarət tavan dağılmış və otağın yanar konstruksiyaları yanıb.
Partlayış zamanı 1 nəfər yanıq xəsarəti alıb.
Gözətçi otağın qalan hissəsi və yaxınlıqdakı sex yanğından mühafizə olunub.
Yanğın saat 7:45-də yanğınsöndürənlər tərəfindən söndürülüb.
