Ermənilərin atəşə tutduğu evin sahibi danışdı

Ermənistan silahlı birləşmələri ötən gecə Tərtərin Qapanlı kəndi ilə yanaşı Şıxarx qəsəbəsini də atəşə tutub. Ağır artilleriya silahlarından atılan mərmilərdən biri fərdi yaşayış evinə düşüb. 

Ölkə.Az xəbər verir ki, ANS-in müxbiri partlayış baş verən evdə olub.

Ev sahibi Müzəffər İsmayılov deyib ki, atışma zamanı həyat yoldaşı və oğlu ilə birlikdə evin zirzəmisində daldalanmağa çalışıblar. Elə partlayış da onlar evdən çıxmaq istəyərkən baş verib.

Diz nahiyəsindən yüngül yaralanan Müzəffər İsmayılov bildirib ki, xoşbəxtlikdən ağır yara alan olmayıb.

Ev sahibinin sözlərinə görə, artıq dağılmış evə rayon rəsmiləri baş çəkib. Evinin bərpa olunması üçün yardım olunacağı deyilib.