Lənkəranda binada yanğın olub
Axşam saatlarında Lənkəran şəhərində yerləşən beşmərtəbəli binanın 4-cü mərtəbəsində yanğın hadisəsi baş verib.
Nəticədə ev sahibi Şıxəliyev Siyavuş Şıxəli oğluna məxsus üçotaqlı mənzilin iki otağı, aynabəndin kənar konstruksiyası və dəhliz hissəsi yanıb. Yanğın yerinə iki maşın cəlb edilib.
Saat 17.52-də yanğın tam söndürülüb. Hadisə zamanı evdə heç kim olmayıb.