Rusiyada polkovniki öldürən azərbaycanlının anası vəfat etdi
Rusiyada keçmiş polis rəisi, polkovnik Andrey Qoşt və yaxınlarının qətlində şübhəli bilinən azərbaycanlılardan birinin – Roman Fətəliyevin anası oğlunun həbsindən sonra dünyasını dəyişib.
Ölkə.Az-ın musavat.com-a istinadən məlumatına görə, qonşular bildiriblər ki, hadisədən sonra qadın bütün günü ağlayırmış. Üstəlik, onun ürəyində problemləri olub.
Sızran yaxınlığındakı Şiqonı kəndinin sakinləri qeyd ediblər ki, oğlunun həbsindən sonra utandığını deyən qadın bayıra çıxmırmış.
Həyat yoldaşının ölümünü Roman Fətəliyevin atası Rauf Fətəliyev də təsdiqləyib.
Xatırladaq ki, Andrey Qoşt və yaxınları aprelin 24-ünə keçən gecə qətlə yetirilib. İşlə bağlı dörd azərbaycanlı gənc həbs edilib.
