Bakıda ev cəbbəxana çıxdı

Bakının Qaradağ rayonu ərazisində mənzillərin birindən silah-sursat tapılıb

Ölkə.Az-ın Daxili İşlər Nazirliyinin mətbuat xidmətinə istinadən verdiyi məlumata görə, əməliyyat Qaradağ rayon Polis İdarəsi 38-ci polis bölməsi əməkdaşları tərəfindən keçirilib.

Keçirilən əməliyyat-axtarış tədbirləri nəticəsində Sahil qəsəbə sakini Eyvaz Allahverdiyevin evindən nömrəsı silinmiş “AK” markalı silah, 110 ədəd müxtəlif çaplı patron və 2 ədəd patron darağı aşkar edilərək götürülüb.

Onun hansı səbəbdən həmin silahları saxlaması məlum deyil.

Faktla bağlı araşdırma aparılır.

Ölkə.Az