Atasını vuran əmisini güllələdi

Bakı Ağır cinayətlər məhkəməsində RF vətəndaşı Mais Şahməmmədovun (1970-ci il təv.) CM-nin 120.1-ci (qəsdən adam öldürmə) maddəsi ilə təqsirləndirilməsinə dair cinayət işinin baxışı başlayıb

Bu il mayın 29-da Şamaxı rayonun Sabir qəsəbəsində rayon sakini Feyruz Şahməmmədov (1965-ci il təv.) şəxsi münasibətlər zəminində aralarında baş verən dava zamanı qardaşı oğlu Heybətə (1993-cü il təv) “Makarov” konstruksiyalı tapançadan ilə atəş açaraq ayağından yaralayıb. Oğlunun əmisi tərəfindən güllələndiyini görən Mais Şahməmmədov qardaşı Feyruzun əlindən tapançanı alaraq onun ürək və baş nahiyəsinə iki dəfə atəş açıb, nəticədə sonuncu hadisə yerində dünyasını dəyişib. Xəsarət alan Heybət Şahməmmədov Mərkəzi rayon Xəstəxanasına yerləşdirilib. 

Daxil olan məlumat əsasında RPŞ və prokurorluq əməmkdaşları hadisə yerinə cəlb olunub, M.Şahməmmədov saxlanılıb. İstintaqla müəyyən edilib ki, mərhum Feyruz Şahməmmədov iki gün öncə qızına toy edib, həmih gün isə oğlan toyu olmalı idi. Mais Şahməmmədov oğlu ilə Moskvadan gəlib. Feyruzla evləri bir həyətdə olduğu üçün Mais evin açarını Rusiyaya gedərkən qardaşına verdiyi üçün, ondan açarları istəyib. Feyruz isə açarları verməyərək, ondan bu həyətdən çıxıb, getməsini tələb edib. Mübahisəyə atası ilə yanaşı Heybət də qatılıb, Feyruz onları qızının toyunda görmək istəmədiyini bildirib. Sözlü mübahisə nəticədə qanlı sonluqla yekünlaşıb. 

Hazırlıq iclasında təqsirləndirilən şəxsin anket məlumatları dəqiqləşdirilib.

Ölkə.Az