Cəlilabadda çay daşqını olub, kəndlərdən birini su basıb
Son günlər düşən intensiv yağıntılar nəticəsində Cəlilabad rayonundan keçən bir sıra çaylarda bolsululuq yaradıb
“Report”un Aran bürosu xəbər verir ki, rayonun Qarazəncir kəndində Qarayar çayı üzərindəki sututarında təhlkəli vəziyyət yarandığı üçün su çayın məcrasına buraxılıb. Nəticədə rayonun Sabirabad kəndindən keçən Qarayar çayı məcrasından çıxaraq ətraf əraziləri basıb.
Günorta saatlarında qəfildən baş verən daşqın zamanı çay suları həyətyanı sahələrə dolub. Fərdi təsərrüfatlardakı ağaclar, əkin sahələri və mala-qara tövlələrinə ciddi ziyan dəyib. Bəzi ərazilərdə su evlərin zirzəmisinə də dolub.
Yerli sakinlərin sözlərinə görə, çayn mövsümü olaraq məcrasndan çıxmasına səbəb suötürücü kanalların vaxtı-vaxtında təmizlənməməsidir. Cəlilabad Rayon Fövqəladə Hallar Komissiyasindan bildirilb ki, əraziyə texnikalar cəlb olunub, daşqının nəticələri aradan qaldırılır.
