Ağcabədidə ağır qəza: 4 ölü, 6 yaralı

Ağcabədidə ağır yol qəzası baş verib.

FHN-nin saytında dərc olunmuş məlumata görə, hadisə Ağcabədi rayonu, Qaravəlli kəndində (rayon mərkəzindən 25 km aralı) qeydə alınıb.

Ağcabədi rayonunda baş verən yol qəzasında 4 nəfər ölüb, 6 nəfər xəsarət alıb 

Qəzada ölənlərin və xəsarət alanların şəxsiyyəti məlum olub

Ağcabədi rayonunda yol qəzasında ölənlərin və xəsarət alanların şəxsiyyəti məlum olub.

APA-nın Qarabağ bürosunun xəbərinə görə, BMW, “Mercedes” və “Daewoo” markalı minik avtomobillərinin toqquşması nəticəsində BMW-nin sürücüsü, 1982-ci il təvəllüdlü Bəbişov Elgün Fərhad oğlu, "Daewoo"nun sürücüsü Ağamalıyev Nəbi Məhəmməd oğlu, 1983-cü ildə anadan olmuş Alıyeva Naibə Əli qızı, 2007-ci il təvəllüdlü Alıyev Fəqan Kənan oğlu hadisə yerində dünyasını dəyişib.

Bundan başqa, 1979-cu il təvəllüdlü Alıyev Kənan Vaqif oğlu, 2005-ci il təvəllüdlü Alıyeva Fərqanə Kənan qızı, 2009-cu il təvəllüdlü Alıyeva Gülçin Kənan qızı, 1997-ci il təvəllüdlü Ağamalıyev Nurlan Nəbi oğlu, 1969-cu il təvəllüdlü Quliyeva Arifə Yunis qızı və İsrafilova Səbinə Əzim qızı müxtəlif bədən xəsarətləri ilə Ağcabədi və Bərdə rayon mərkəzi xəstəxanalarına çatdırılıblar.

Ölkə.az