Sürücü maşını ağaca çırpdı
Oğuzda baş verən ağır yol qəzasında 2 nəfər ölüb.
Ölkə.Az xəbər verir ki, Şəki Rayon Mərkəzi Xəstəxanasından APA-ya verilən məlumata görə hadisə bu gün saat 14:00 radələrində, Qaraməryəm-İsmayıllı-Şəki magistiral avtomobil yolunun 104-cü kilometrliyində, Oğuz rayonu Padar kəndi ərazisindən keçən hissəsində baş verib.
Oğuz rayonu Kərimli kənd sakini, 1939-cu il təvəllüdlü Namiq Zahid oğlu Həmidzadə idarə etdiyi “VAZ 21011” markalı, “48 BA 676” dövlət nömrə nişanlı avtomobillə hərəkətdə olarkən idarəetməni itirməsi səbəbindən maşını yolun kənarındakı ağaca çırpıb. Qəzadan sonra sürücü N. Həmidzadə aldığı ağır bədən xəsarətlərindən hadisə yerində ölüb.
Koma vəziyyətdə xəstəxanaya gətirilən 1961-ci il təvəllüdlü Bənövşə Nəriman qızı Əsgərova da həyatını itirib.
Faktla bağlı Baş Dövlət Yol Polisi İdarəsinin istintaq və təhqiqat bölməsində araşdırma aparılır.
