ETSN: Şəkidə yanğın yenidən alovlanıb
Dünən Şəki rayonunun ərazisində kənd bələdiyyəsinə məxsus yüksək dağlıq sahədə baş vermiş yanğın bu gün saat 12 radələrində söndürülsə də, güclü külək nəticəsində yenidən alovlanıb
Bu barədə Ölkə.Az-a Ekologiya və Təbii Sərvətlər Nazirliyinin (ETSN) mətbuat xidmətindən bildirilib.
Məlumata görə, yanğın Şəki Meşə Mühafizəsi və Bərpası Müəssisəsinin Kiş meşəbəyiliyinin 3 saylı dolayına keçib. Yanğının qarşısını almaq üçün əraziyə ETSN-in Şəki, Zaqatala, Qax və Oğuz Meşə Mühafizəsi və Bərpası Müəssisəsinin və Fövqəladə Hallar Nazirliyinin Dövlət Yanğından Mühafizə Hissəsinin əməkdaşları cəlb olunub.
Hazırda yanğının söndürülməsi istiqamətində səylər davam etdirilir.
Ölkə.Az
