Maşın ağaca çırpıldı, sürücü öldü
Ucarda yol qəzası baş verib.
Ucar rayonu, Ənvər Məmmədxanlı kəndində vətəndaşa məxsus "VAZ" markalı minik avtomobili idarəetmənin itirilməsi nəticəsində yol kənarında ağaca çırpılıb.
Avtomobilin sürücüsü 1956-cı il təvəlüdlü Bəkirov Zakir Bəkir oğlunun sıxılmış meyiti yanğınsöndürənlər tərəfindən müxtəlif alətlərdən istifadə olunmaqla avtomobildən çıxarılaraq aidiyyati üzrə təhvil verilib.
