Bakıda inşaatın 5-ci mərtəbəsindən yıxılan 19 yaşlı gənc öldü

Sabirabad rayon sakini Bakıda bədbəxt hadisə nəticəsində ölüb

Səbail Rayon Prokurorluğundan verilən məlumata görə, hadisə Salyan yolu küçəsi-20 ünvanında qeydə alınıb.

Sabirabad rayon sakini, 1995-ci il təvəllüdlü Pünhan Müslüm oğlu Musayev işlədiyi  "Portos İnşaat" MMC-nin hazırda inşasını davam etdirdiyi 8 mərtəbəli yaşayış binasının 5-ci mərtəbəsində təmizlik işləri apararkən ehtiyatsızlıqdan yıxılıb.

P. Musayev xəstəxanaya aparılarkən yolda dünyasını dəyişib.

Faktla bağlı araşdırma aparılır./Apa/

Ölkə.Az