İsmayıllıda ağır qəza: 2 ölü, 3 yaralı

İsmayıllı rayonunun Topçu kəndində ağır yol qəzası baş verib

Hadisə yerindən Ölkə.Az-a verilən məlumata görə, "Toyota Camry" ötmə əməliyyatını düzgün yerinə yetirmədiyinə görə "Jiquli 2106" markalı maşına çırpılıb.

"Toyota Camry"nin sürücüsü hadisə yerindəcə keçinib. "Jiquli"nin sürücüsünün vəziyyəti isə ağırdır. Təcili yardım xidmətinin gec gəldiyini görən vətəndaşlar xəsarət alanları başqa maşına qoyaraq İsmayıllı rayon mərkəzi xəstəxanasına aparılıblar.

Ümumilikdə  isə qəzada 1 nəfər ölüb, 4 nəfər isə yaralanıb. "Vaz 2106" markalı maşında olanların İsmayıllı rayonunun Hacıhətəmli kənd sakinləri olduğu bildirilir.

15.30

Bu saatlarda redksiyamıza daxil olan məlumata görə, İsmayıllı rayon xəstəxanasında qəzaya uğramış "Vaz 2106" avtomobilinin sürücüsü də dünyasını dəyişib.

Ölkə.az