Bakı-Quba yolunda iki maşın toqquşdu
Bu gün axşam saatlarında Bakı-Quba yolunda yol nəqliyyat hadisəsi baş verib.
Ölkə.Az xəbər verir ki, APA-nın şimal bürosunun verdiyi məlumata görə, qəza magistralın 62-ci km-də qeydə alınıb. “Hyundai” markalı nəqliyyat vasitəsi ilə “VAZ 2106” markalı avtomobil toqquşub.
Qəza nəticəsində 2 nəfər müxtəlif dərəcəli xəsarət alıb. Xəsarət alan şəxslər Xaçmaz rayonu, Sabiroba kənd sakinləri 1988-ci il təvəllüdlü Rzayeva Esmira Əhməd qızı və onun 4 yaşlı qızı Aysudur. Onlar Siyəzən Regional Diaqnostika mərkəzinə yerləşdirilib.
Faktla bağlı Baş Dövlət Yol Polis İdarəsinin istintaq və təhqiqat bölməsində araşdırma aparılır.
