Suriyada daha bir azərbaycanlı öldürüldü
Zərdab sakininin meyitinin fotoları ailəsinə çatdırılıb
Suriyada gedən döyüşlərdə öldürülən azərbaycanlı İslam Dövləti silahlı qruplaşması tərkibində vuruşan Zərdab rayon sakini, 1982-ci il təvəllüdlü Ramin Ağasəf oğlu Abdullayevdir.
R. Abdullayevin ölüm xəbəri və meyitinin fotoları ailəsinə çatdırılıb. R. Abdullayev Suriyada dəfn edilib.
Yaxınlarının dediyinə görə, bir uşaq atası olan R. Abdullayev uzun müddət Rusiyada yaşayıb.
Bir müddət əvvəl isə o, Zərdaba qayıdıb və döyüşmək üçün Suriyaya gedib./apa/
Ölkə.Az
