Tanınmış jurnalist "Akkord"u məhkəməyə verdi
Tanınmış saytın rəhbər şəxsi Akkord şirkətini məhkəməyə verir
Səbəb işə həmin şirkət tərəfindən ona satılmış mənzilin sahəsinin az olmasıdır.
Ölkə.Az xəbər verir ki, mili.az saytında baş redaktorun müavini, kriminal yazar işləyən Anar Məmmədov "Akkord"dan aldığı 79,05 kvadratmetr sahəsi olan məzilin real sahəsinin 8 kvadratmetr az olduğunu bildirərək şirkəti məhkəməyə verib.
Şikayətçi yazır ki, 2010-cu ilin aprelində Akkord şirkətinin Sabunçu rayınu, Bakıxanov qəsəbəsində yerləçən Uğur-2 kompkeksindən mənzil alıb. Ümumi sahəsi müqaviləyə görə, 79,05 kv.metr olan mənzil üçün ilkin ödəniş üçün 12000 manat ödəyib, qalan məbləğ isə 60 aylıq kreditl əödəmək üçün müqavilə bağlayıb.
"Bina iki il əvvəl təhvil verildi, bir il əvvəl isə təmir etdirib mənzilə yaşamağa başladım. Təmirə başlayan zaman usta evin sahəsini ölçən zaman sahənin az olduğunu dedi, lakin inanmadım.
Bir neçə ay əvəl özüm mütəxəsis çağıraraq mənzilin sahəsini artıqlaması ilə ölçdürdüm, və acınacaqlı nəticə ortaya çıxdı.
Mənzilin ümumi sahəsi müqavilədə mənə satılandan 8 kvadrat metr az idi.
Bu məsələ ilə bağlı Akkord şirkətinə yazlı və şifahi müraciət etdim. Hətta şirkətin baş direkrtoruna məktub da ünvanlasam da, heç müraciətimə cavab verilmədi. Yəni onların işi mənzili müştərilərə sırımaq və sonradan onu saymamaqdan ibarətdir.
Ən dəhşətlisi odur ki, olmayan 8 kvadrat metrlik sahəni Akkord mənə 60 aylıq kreditə salaraq faiz ödətdirir.
Başa düşmürəm, bu şirkətin vəzifəsi insanlar üçün ev tikməkdir, yoxsa onların ehtiyacından, gücsüzlüyündən istifadə edərək həyatlarını sökmək?
Məsələni hüquqi müstəvidə həll etmək qərarındayam. Artıq vəkillə danışmışam və müqaviləni təqdim etmişəm. Yaxın günlərdə məhkəmə iddiası qaldıracayıq.
Kobud şəkildə desəm, Akkord binanın pilləkənlərinin ərazisini, mənzilin kənar sahənin, hətta hava sahəsini də müştərilərə satıb. Bu məsələ hüquqi müstəvidə həll edilməlidir. Akkord nümayəndələrinin əsaslandırmalarını məhkəmədə eşitmək mənim üçün, elə bütün mənim kimi hüquqi pozulan sakinlər üçün maraqlı olacaq" - deyə A.Məmmədov əlavə edib.
Ölkə.Az
