Azərbaycanda 14 yaşlı uşağın faciəsi

İmişlidə baş verən yol qəzası zamanı 14 yaşlı uşaq dünyasını dəyişib. 

Hadisə ötən gün Ağsu-Kürdəmir-Bəhrəmtəpə avtombil yolunun 111-ci km.də İmişli rayonu ərazisində yerləşən məcburi köçkün qəsəbəsindən keçən hissəsində qeydə alınıb.

Belə ki, Bəhrəmtəpə sakini Qədir Ağayev idarə etdiyi “VAZ-21011” markalı avtomobillə hərəktədə olarkən idarə etməni itirib. İdarəetməni itirən sürücü yolun sol kənarında hərəkətdə olan Füzuli rayonundan olan məcburi köçkün 14 yaşlı Ceyhun Məhəmməd oğlu Fətəlizadəni vurub.

Yaralı müxtəlif dərəcəli bədən xəsarətlərilə İmişli rayon Mərkəzi Xəstəxanasına çatdırılıb. Həkimlərin səyinə baxmayaraq, yaralanının həyatını xilas etmək mümkün olmayıb. Hadisəni törədən şəxs saxlanlıb.

Hazırda faktla bağlı araşdırma aparılır./anspress/

Ölkə.Az