Hacıqabulda daya bir yol teroru- Ölən var

Hacıqabul rayonunda avtomobil piyadanı vuraraq öldürüb. 

Ölkə.Az xəbər verir ki, Hacıqabul Polis Şöbəsindən verilən məlumata görə, hadisə avqustun 1-də gecə saat 23.00 radələrində Şirvan-Hacıqabul magistralının 1-ci kilometrliyində baş verib.

Şirvan sakini  Hacıyev Samir Qadir oğlu idarə etiyi VAZ 2107 markalı 10 UF 107 dövlət nömrə nişanlı avtomobillə yoldan keçən piyadanı vurub. Piyada aldığı xəsarətlərdən  hadisə yerində dünyasını dəyişib.

Hələlik piyadanın şəxsiyyətini müəyyən etmək  mümkün olmayıb. Onun meyiti Şirvan şəhərinin Patoloji Anatomiya və Məhkəmə Tibbi Ekspertiza Mərkəzinə təhvil verilib. Hacıqabul polisi meyitin fotogörüntülərini yayıb. Ölən şəxsin təxminən 30-35 yaşlarında olduğu bildirilir. Sol qolunun yuxarı nahiyəsində “Zamir”, biləyində isə “Ata ana” sözləri yazılıb. Onu tanıyanlardan Hacıqabul polis şöbəsinə 021 204 10 32 nömrəli telefona zəng etmələri xahiş olunur.

Faktla bağlı araşdırma aparılır./apa/

Ölkə.Az