Avtomobil aşıb, 4 nəfər xəsarət alıb
Tovuzda 4 nəfərin xəsarət alması ilə nəticələnən yol qəzası baş verib
Ölkə.Az APA-ya istinadən xəbər verir ki, hadisə Bakı-Qazax magistral yolu, rayonun Aşağı Quşçu kəndindən keçən ərazisində qeydə alınıb.
Naməlum səbəbdən idarəetməni itirən "VAZ 21 06" markalı avtomobil ağaca çırpılaraq aşıb. Hadisə nəticəsində 4 nəfər xəsarət alıb.
Yaralılar Tovuz Rayon Mərkəzi Xəstəxanasına çatdırılıb.
Faktla bağlı araşdırma aparılır.
