“Qazaxlı Alik” polis tərəfindən saxlanıldı
Tanınmış Qarabağ döyüşçüsü adam bıçaqlamaqda şübhəli bilinir.
Ölkə.Az Ağstafa rayon Polis Şöbəsindən APA-ya verilən məlumata görə, hadisə rayonun Dağ Kəsəmən kəndində qeydə alınıb.
Kənd sakini Alik Muradov aralarında yaranmış mübahisə zəminində həmyerliləri, Sərdar Əliyevi və onun qardaşı Babək Əliyevi bıçaqlamaqda şübhəli bilinir. Yaralılar xəstəxanaya yerləşdiriliblər.
Hadisəni törədməkdə şübhəli bilinən A. Muradov saxlanılıb.
Faktla bağlı cinayət işi başlanıb, istintaq gedir.
Qeyd edək ki, hadisəni törədən Alik Muradov Qarabağ müharibəsinin iştirakçısıdır. O, “Qazaxlı Alik” ləqəbi ilə məşhurdur.
