Yadigar Sadıqovun həbs müddəti azaldıldı - QƏRAR

Dünən Şirvan Apellyasiya Məhkəməsində Müsavat Partiyası başqanının müşaviri Yadigar Sadıqovun şikayəti əsasında növbəti məhkəmə prosesi keçirilib.

Yadigar Sadıqovun Hüquqlarının Müdafiəsi Komitəsinin sədri Elman Fəttahın Qaynar.info-ya verdiyi məlumata görə, vəkillərin vəsatəti qismən təmin olunub və Lənkəran şəhər Məhkəməsinin Yadigar Sadıqovla bağlı çıxardığı 6 il həbs cəzasının müddəti 4 ilə endirilib. Amma buna baxmayaraq maddədə heç bir dəyişiklik edilməyib. Vəkillərin qaldırdığı əsas vəsatətlər də təmin edilməyib. 

Qeyd edək ki, Yadigar Sadıqov iyunun 27-də Lənkəran şəhər sakini, 2-ci qrup Qarabağ əlili Rəşid Kərimovun şikayəti əsasında Lənkəran Şəhər-Rayon Polis Şöbəsində saxlanıb. Rəşid Kərimov iyunun 25-də Lənkəranın Cavanşir küçəsindəki çayxananın qarşısından keçərkən Yadigar Sadıqovun iki nəfərlə birgə onu döydüyünü bildirib. Lənkəran məhkəməsi Y.Sadıqova 6 il həbs cəzası kəsmişdi.

Olke.az