FHN Şamaxı zibilliyini söndürə bilmir

Şamaxıda şəhərin ümumi məişət tullantılarının töküldüyü ərazidə yanğın 1 həfdədir ki, davam edir

Olke.az-ın "Kanal S"-ə istinadən xəbər verir ki, hektarlarla ərazini öz cənginə alan yanğının əhatə dairəsi gündən-günə çoxalır.

Tonlarla yığılıb qalan tullantılar gah sönür, gah da alovlanır. Zəhərlı hava şəhəri, demək olar ki, tamamilə öz cənginə alıb.

Şəhərin bütün küçələri qara tüstüyə bürünüb. Avtomabillər yollarda çətinliklə idarə olunur. Burada nəfəs almaq belə, çox çətindir. Sakinlər, xüsusən də yaxınlıqdakı evlərdə qalanlar 1 həfdədir ki, bu zəhərli tüstünü udmalı olurlar. Yanğının baş verdiyi ərazinin miqyası olduqca böyükdür.

8 gündür ki, yanğını söndürmək üçün ərazidə Şamaxı rayon FHN-nin yanğından mühafizə idarəsinin yanğınsöndürənləri çalışır, saatlarca ərazidə növbə çəkilir. Küləyin əsməsi isə alovların söndürlməsinə mane olur. 

Yanğının baş verdiyi əraziyə torpaq töküldüyündən altda qalan alov ocaqları təkrar tüstülənir. Hazırda yanğın nəzarətdə saxlanılır. Rayon rəhbərliyi isə yanğının tez bir zamanda söndürülməsi yönündə işlər aparır.

Olke.az