Sabunçuda ərini öldürən 27 yaşlı qadın harada saxlanılır?

Ölkə.Az iyulun 23-də Bakının Ramana qəsəbəsində ərini qətlə yetirən Nuridə Kərimovanın fotolarını əldə edib.

Qeyd edək ki, səs-küylü cinayət hadisəsi ailə münaqişəsi zəminində törədilmişdi.

Belə ki, 27 yaşlı qadın 32 yaşlı həyat yoldaşı Vüqar Kərimovu bıçaqla qətlə yetirmişdi. Bildirilirdi ki, V.Kərimov Sabunçu qəsəbəsindəki kafelərin birində işləyirmiş və mütəmadi olaraq evə sərxoş gəlirmiş. Elə hadisə baş verən gün də ər içkiliymiş və ərinin bıçaq götürüb onu öldürəcəyini görən qadın daha cəld tərpənərək özü bıçağı götürüb və zərbələr endirib. Dörd yaşlı qız atası 32 yaşlı Kərimov elə hadisə yerindəcə keçinib.

Əldə etdiyimiz digər məlumata görə, N.Kərimova hazırda Kürdəxanıdakı təcridxanada saxlanılır.

İntiqam VALEHOĞLU
Ölkə.Az