Məşhur həkim və arvadı qəzada öldü
Xəbər verdiyimiz kimi, dünən Kürdəmirdə ağır yol-nəqliyyat hadisəsi baş verib. "KİA" markalı minik avtomobilinin "VAZ" markalı minik avtomobili ilə toqquşub. Nəticədə, "KİA" markalı avtomobilin sürücüsü, 1981-ci il təvəllüdlü Əkbərov Əli Əsəd oğlu, həyat yoldaşı 1983-cü il təvəllüdlü Salahova Leyla Yunus qızı ağır bədən xəsarətlərindən hadisə yerində vəfat edib, 2 nəfər sərnişin xəsarət alıb.
Ölkə.Az xəbər verir ki, "Qafqazinfo"nun əldə etdiyi məlumata görə, Əli Əkbərov kardioloq olub. O, Bakının məşhur klinikasında işləyirmiş.
Elə maşında da həyat yoldaşı Leyla, 2 aylıq övladları Yunus Əkbərov və qayınatası Yunus Əsgərxan oğlu Salahovla bərabər olub.
Qəza nəticəsində Əli Əkbərov xanımı Leyla ilə dünyasını dəyişsə də, 2 aylıq Yunusun sağ qaldığı deyilir.
